Олунньу 25 күнүгэр Мындааба спортивнай хайысхалаах орто оскуолатыгар Аҕа дойдуну көмүскээччи күнүгэр аналлаах «Эр хоьууннар» Мындааба оскуолатын Кубога үөрэнээччилэр, учууталлар уонна төрөппүттэр хамаандаларын икки ардыгар байыаннай-спортивнай күрэхтэһии буолла.
Күрэхтэһии түөрт түһүмэҕинэн бэрт тыҥааһыннаахтык барда. Түмүккэ «Аар сахалар» диэн
төрөппүттэр хамаандалара кыайан көһө сылдьар оскуола Кубогын ылла, хамаанда чилиэннэрэ мэтээллэринэн, дипломнарынан уонна 2000 солк сыаналаах сертификатынан наҕараадаланнылар. Иккис миэстэни «Боотурдар» үөрэнээччилэр хамаандалара ылла, команда чилиэннэрэ үрүҥ көмүс мэтээллэринэн, дипломнарынан уонна 1500 солк сыаналаах сертификаттарынан наҕараадаланнылар. Үһүс бочуоттаах миэстэҕэ «Дьулуур» оскуола үлэһиттэрин командалара таҕыста, кинилэр эмиэ мэтээллэринэн, дипломнарынан уонна 1000 солк сертификаттарынан бэлиэтэннилэр.
Бу курдук Мындааба спортивнай хайысхалаах орто оскуолата, » Мындааба» сынньалаҥ киинэ уонна «Эйгэ» бэтэрээн сэбиэтэ тэрийбит байыаннай- спортивнай күрэхтэһиитэ бэрт сэргэхтик ааста
