«Мындааба» сынньалаҥ киинигэр «Ийэ тыл -омук төрдө» диэн Ийэ тыл, сурук-бичик күнүгэр аналлаах тэрээһин олунньу 13 күнүгэр ыытылынна. Тэрээһин үөрүүлээх аһыллыытыгар Баатаҕай олоҥхоһута П.Н. Наумов- Намыын «Күн Ньургун» олоҥхотуттан быһа тардыыны Иван Карпов, биллиилээх чабырҕахсыт Екатерина Местникова «Хараҥаҕа» чабырҕаҕын Матрена Готовцева толордулар, Матрена Заболоцкая, Айаал Вырдылин ырыанан эҕэрдэлээтилэр.
Олохтоох библиотекарь Наталья Портнягина бэлэмнээбит » Өркөн өй» викторина ыытылынна. Оонньуу түмүгэр Матрена Заболоцкая, Ирина Дьяконова хамаандалара кыайыылаах
буолла.
Тэрээһин кыттыылаахтара «Саха төрүт аһа» күрэххэ көхтөөхтүк кытыннылар, итии чээйдээх сандалы тула олорон ирэ-хоро сэһэргэстилэр, остуол оонньууларыгар кыттан сэргэхсийдилэр.
