Олунньу 28 күнүгэр Мындааба сынньалаҥ киинигэр»Кэрэ эйгэлээх, түмэр күүстээх култуура» диэн Култуура сыла аһыллар үөрүүлээх тэрээһинэ буолла.
Тэрээһиҥҥэ кулууп иһинэн үлэлиир «Симэх», «Кыбытыы иис», » Мус-тал» куруһуоктар быыстапкалара тардылынна, салайааччылар үлэлэрин туһунан сырдаттылар. Быыстапка аһыллыытын кэннэ, уус-уран самодеятельность кыттыылаахтарын кэнсиэрэ буолла.
2026 -Култуура сылын саҕаланыытыгар улуустааҕы, республикатааҕы ырыа, үҥкүү күрэхтэһиилэрин кыайыылаахтарыгар, анал аатынан бэлиэтэммиттэргэ Мүрү нэһилиэгин солбуйар баһылыга Вероника Сивцева нэһилиэк дьаһалтатын Эҕэрдэ суруктарын туттартаата. «Мындааба» СК директора Владилена Колесова куруһуоктар, түмсүүлэр салайааччыларын Култуура сылынан эҕэрдэлээтэ.
Мындаабаҕа Култуура сылын аһыллыытыгар кэлбит көрөөччүлэр тэрээһинтэн үөрэн-көтөн, астынан тарҕастылар.
