Ахсынньы 30 күнүгэр Мындааба олохтоохторо 2026 сылы көрсө «Шахерезада Саҥа дьыллааҕы остуоруйалара» театрализованнай туруорууга сынньалаҥ киинигэр тоҕуоруһа муһуннулар. Сүрүн оруолларга Гаврил Портнягин, Евдокия Аммосова, Павел Москвитин, Иван Прибылых, Майя Иванова, Платон Стрекаловскай оонньоотулар. Кырачаан артыыстар Харысхан уонна Алгыстаана Гоголевтар, Карина Черноградская уонна Сааскылаана Решетникова кыттыыны ыллылар.
Дьон-сэргэ сөбүлээн истэр ырыаһыттара мелодист Михаил Конников, Августина Индеева, Акулина Черкашина, Иван Прибылых, Василий Петров, Уйгулаана Прибылых уонна Айаал Вырдылин бар дьоҥҥо ырыа ыллаан бэлэхтээтилэр.
Мындааба үҥкүү коллективтара «Дьол көлүччэтэ» (салай. П. Стрекаловскай), «Күндүйэ» ( салай. М. Фомина), «Күнчээнэ» ( салай. А. Кириллова) уонна гимназист Антон Неустроев үҥкүүнэн туруорууну киэргэттилэр. Дьикти дьарыктаах Сайаан Бурнашев фокус көрдөрөн дьону сөхтөрдө.
Көрөөччүлэри Тымныы кырдьаҕас- Иван Прибылых, Хаарчаана-Уйгулаана Крылова, Саҥа дьыл уолчаан- Афоня Бережнев эҕэрдэлээтилэр. «Мындааба » СК директора Владилена Колесова культура эйгэтигэр 2025 сыл бастыҥнарыгар анал ааттары, бэлэхтэри туттартаата. Саҥа дьыллааҕы оҥоһук уонна маскараат күрэхтэрин кыайыылаахтарыгар дипломнар уонна бириистэр туттарылыннылар. Дьүүллүүр сүбэҕэ Лидия Лугинова, Вария Решетникова уонна Иван Иванов үлэлээтилэр.
Бу курдук Мындаабалар саҥа 2026 сылы үөрэ-көтө көрүстүлэр.
