Тохсунньу 31- олунньу 2 кк. Бороҕоҥҥо 2007 сыл төрүөх уонна онтон кыра оҕолорго остуол тенниһыгар республика күрэхтэһиитэ буолан ааста. Манна Бүлүүттэн, Үөһэ-Бүлүүттэн, Хаҥаластан, Тааттаттан, Мэҥэ-Хаҥаластан, Ньурбаттан, Нерюнгриттан, Чурапчыттан, Амматтан, Уус-Алдантан, Дьокуускайтан, барыта 104 оҕо кытынна.
Түмүккэ, хамаанданан күрэххэ 1 м.- Дьокуускай куорат, 2 м. — Мэҥэ-Хаҥалас, 3 м.- Чурапчы уонна Таатта улуустарын хамаандалара кыайыылаах таҕыстылар. Биирдиилээн оонньууга кыргыттарга 1 м. — Үөһэ-Бүлүү хамаандата, 2 м.-Нерюнгри оройуонун, 3 м.- Дьокуускай, Таатта командалара буоллулар.
Уол, кыыс буолан (смешанный разряд) киирсиигэ 1 м.- Нестеров Антон, Пахомова Дияна, 2 м.- Гермогенов Вадим, Боброва Елизваета, 3 м. — Печкуров Вова, Аввакумова Эмилия уонна Антонов Ярослав, Казарян Асмик буоллулар.
Иккилии буолан оонньууга (парный ) уолаттарга 1 м. — Антоев Ярослав, Печкуров Владимир, 2 м. — Нестеров Антон, Гермогенов Вадим, 3 м.- Кривошапкин Ян, Попов Пётр уонна Федоров Ньургун, Гермогенов Валера; кыргыттарга 1 м. — Аввакумова Эмилия, Пахомова Диана, 2 м. — Боброва Лиза, Казарян Асмик, 3 м. — Савченко Вера, Ибрагимова Лиза уонна Соломова Лиза, Степанова Сандаара кыайыылахтарынан буоллулар.
Турнир ыытыллыытыгар Саха өрөспүүбүлүкэтин остуол тенниһын федерациятын президенэ Петр Максимов, киэн туттар биир дойдулаахпыт өрөспүүбүлүкэ күрэхтэрин 10 төгүл, Илин Уһук регион 4 төгүл кыайыылааҕа тренер Василий Румянцев, турнир кылаабынай судьуйата Ньургун Карпов, улуус дьаһалтатыттан спорт отделын начальнигын солбуйааччыта Григорий Аргунов, Мындааба спортивнай оскуолатын директора Семен Охлопков, тренер Василий Яковлев уо. да а. үлэлээтилэр. Федерация салайааччыта Петр Федорович улуус дьаһалтатыгар, күрэхтэһиини тэрийсэн ыытыспыт тэрилтэлэргэ истиҥник махтанна.
