Сэтинньи 22 күнүгэр Россия Ийэлэрин күнүгэр анаммыт «Кэрэ ситим — ийэ кыыс оҕотунаан» конкурс бэрт сэргэхтик ааста. Күрэх тэрийээччилэринэн «Мындааба» СК ( директор Колесова В.В.), улуус дьаһалтатын дьиэ кэргэни уонна ыччаты кытта үлэлиир управленийата ( начальник В.И. Андросова) , улуустааҕы психологическай киин ( салайааччы Никитина С.П) бу оллулар. Күрэххэ түөрт ийэ кэрэчээн кыргыттарынаан кытыннылар. Дьүүллүүр сүбэ быһаарыытынан бастакы миэстэни С.А. Макарова кыыһынаан Аяриналыын(
Мындааба бөһ.); иккис миэстэни Турантаева А.П. кыыһынаан Жанналыын (Бээрийэ нэһ); үһүс миэстэни Макарова В.П. кыыһынаан Дияналыын Мүрү нэһ.) ылары ситистилэр. Мүрү нэһилиэгиттэн А.М.Мылаханова кыыһынаан Анжелиналыын «Чэгиэн туруктаах дьиэ кэргэн» анал ааты ыллылар. Күрэх кыттааччыларыгар анал дипломнар, сыаналаах бириистэр туттарылыннылар. Конкурс кыттыылаахтара бары элбэх оҕолоох улахан дьиэ кэргэн күн күбэй ийэлэрэ буолаллар. Көхтөөх, олоххо дьулуурдаах, оҕолорун сайыннарарга-үөрэтэргэ күүстэрин ууран иитэр ийэлэрбитин Россия Ийэлэрин күнүнэн эҕэрдэлиибин, бары кэрэни-үтүөнү баҕарабыт.
