Ахсынньы 4 күнүгэр «Мындааба» сынньалаҥ киинигэр Саха республикатын норуоттарын күнүн көрсө норуот ойуулуур-дьүһүннүүр күннээҕи олоххо туттар ньымаларыгар маастар- кылаастар ыытылыннылар. Кыбытыы тигиигэ маастар кылааһы Уус -Алдан улууһун маастара Любовь Саввина, иистэнэр массыынанан оҕуруонан оһуору тигиигэ Марфа Андреева, оригами ньыматынан Саҥа дьылга банаары оҥорууга маастар-кылааһы Уус-Алдан улууһун норуотун маастара Мария Портнягина ыыттылар. Кэлбит дьон умсугуйан, ылларан туран дьарыктаннылар. Маастар-кылаастары ыыппыт талааннаах дьоммутугар махтанабыт!
