Ахсынньы 4 күнүгэр Мындааба сынньалаҥ киинигэр доруобуйаларынан хааччахтаах дьон Аан дойдутааҕы күннэригэр анаммыт “ С нами вера, надежда и любовь» диэн ааттаах тэрээһин ыытылынна. Тэрээһин аһыллыытыгар кэлбит дьону » Мындааба» СК директора Владилена Колесова, улуустааҕы инвалидтар обществоларын салайар Елизавета Васильева уонна нэһилиэк инвалидтарын обществотын салайааччыта Елена Попова эҕэрдэлээтилэр. Кэлбит дьон Михаил Конников, Айаал Вырдылин ырыаларын сэргээн иһиттилэр. Олохтоох библиотекарь Наталия Портнягина ыыппыт «Өркөн өй» викторинатыгар көхтөөхтүк кытыннылар. Елена Попова остуол оонньууларын тэрийдэ, араас атын аралдьытар, билиини кэҥэтэр тургутуктарга күлэ-үөрэ күрэхтэстилэр. Кыайыылаахтар дипломнары уонна бириистэри туттулар.
Эрдэ биллэриллибит » Кыһыҥҥы көстүү» оҥоһуктар конкурстарыгар Парасковья Аммосова кыайыылааҕынан таҕыста.
