Мындаабаҕа Аҕам саастаахтар бырааһынньыктара буолла
Алтынньы 10 күнүгэр Мындаабатааҕы СК, «Эйгэ» ветеран Сэбиэтэ Аҕам саастаахтар декадаларын түмүктүүр тэрээһини ыыттылар. Тэрээһин үөрүүлээх чааһыгар Мүрү нэһилиэгин солбуйар баһылыга В. П. Сивцева, улуус ветераннарын Сэбиэтин председателэ О.Ф.Федоров, Мындааба ветеран сэбиэтин председателэ Е. И.Неустроева эҕэрдэ тыл эттилэр, наҕараадалары туттардылар. Итии чээйдээх остуол тула олорон ирэ-хоро сэһэргэһии буолла. Эрдэ биллэриллибит «Мүрү көмүс күһүнэ» хаартыска, «Дьиэ кэргэн раритета» уонна 2025 элбэх өрөгөй үбүлүөйдээх сылы көрсе » Мындаабам бөһүөлэгин историята» викторина-күрэх ыытылыннылар. Кыайыылаахтар дипломунан уонна Мындааба ветеран сэбиэтэ, кулууба туруорбут бириистэринэн наҕараадаланнылар.
