🚩 Мүрү нэһилиэгэр тыыл бэтэрээннэрэ, сэрии кэмин оҕолоро бүгүн нэһилиэк дьаһалтата, дьахталлар улуустааҕы сэбиэттэрэ уонна элбэх оҕолоох ийэлэр «Дьол уйата» түмсүүлэрэ кыттыһан тэрийбит бырааһынньыктааҕы эбиэттэригэр күндү ыалдьыт буоллулар.
Ытык ыалдьыттары үтэһэлээх этинэн, арыылаах саламаатынан, саһарчы буспут сымнаҕас алаадьынан, онтон да эгэлгэ ас арааһын ис сүрэхтэриттэн астаан күндүлээтилэр. Тэрээһини «Мындаба» сынньалаҥ киин үлэһиттэрэ ыыттылар.
Аҕам саастаах көлүөнэ дьон итии чэй иһэ-иһэ ирэ-хоро кэпсэтэн, уруккуну ахтыһан, инникини ыралаан, ырыа-тойук эгэлгэтин ыллаан, Лена Протопопова, Айаал Вырдылин, Михаил Конников, Лилия Семенова, Иван Прибылых, Юрий Стручков, Мария Федорова, Василий Петров ырыаларын истэн сэргэхсийдилэр. Маннык сылаас көрсүһүүлэри өссө да тэрийэргэ, эһиил Кыайыы 80 сылын бүгүҥҥү курдук бука бары тутуспутунан үөрэ-көтө бэлиэтиэхпит диэн баҕа санаалар этилиннилэр.
@uamurusahargata @ulusmedia
