Бүгүн, ыам ыйын 9 күнүгэр Улуу Кыайыы 79 сылынан «Хос үрэх» ытык сиригэр өйдөбүнньүк тэрээһин ыытылынна.
Хос Үрэххэ, 1945 сыллаахха бэс ыйын 20-21 күннэригэр кыайыыны уруйдуур Улуу ыһыах ыһыллыбыт. Бу өйдөбүнньүк күҥҥэ эҕэрдэ тылы улуус дьаһалтатын баһылыгын солбуйааччыта И. И. Троев, улуус дьокутааттарын мунньаҕын бэрэссэдээтэлэ И. И. Аммосов, улуус бэтэрээннэрин Сэбиэтин бэрэссэдээтэлэ О. Ф. Федоров, «Мүрү нэһилиэгэ» тыа сирин түөлбэтин дьаһалтатын баһылыга П. Ф. Румянцев, Ытык ветераннар, сэрии сылын оҕолоро Федорова Мотрена Алексеевна, Бережнев Роман Яковлевич эттилэр.
Ытык дьоммутун чиэстээн, кинилэр албан ааттарыгар сүгүрүйэн, кэриэстээн Мүрү 1 №-дээх орто оскуолатын үөрэнээччилэрэ венок уурдулар, «Кэнчээри» оҕо уһуйаанын иитиллээччилэрэ хоһоон аахтылар, ырыа ыллаатылар.
Туругурдун Улуу Кыайыы!
