«Бүгүн, алтынньы 8 күнүгэр, Мүрү нэһилиэгин Аҕам саастаах дьонугар аналлаах «Мин сааһым-мин баайым» тэрээһин олус өрө көтөҕүллүүлээхтик буолан ааста. Тэрээһиҥҥэ Майаҕас бөһүөлэгин бэтэрээннэрэ ыҥырыылаах ыалдьыт быһыытынан кыттыыны ыллылар. Улуус бэтэрээннэрин сэбиэтин бэрэссэдээтэлэ О. Ф. Федоров, солбуйааччыта М. Е. Фомина, Мүрү нэһилиэгин солбуйар баһылыга В. П. Сивцева, улуус женсоветын салайааччыта В. Н. Шадрина, женсовет чилиэнэ С. Н. Босикова, социальнай уонна ыччат политикатын управлениетыттан К. П. Рощина уо. д. а. тыл эттилэр, эҕэрдэлэрин тиэртилэр. Педагогическай үлэ бэтэрээнэ А. А. Никифоров «Республика бочуоттаах кырдьаҕаһа» анал знагынан наҕараадаланна. Ф. Н. Румянцева нэһилиэк социальнай экономическай сайдыытыгар кылаатын иһин знагы үөрүүлээх быһыыга-майгыга тутта. В. В. Аргуновка, А. А. Протопоповаҕа социальнай уонна ыччат политикатын управлениетын эҕэрдэ суруга туттарылынна.
