«Быйаҥнаах корзина», хаартыска, сэлээппэ, күһүҥҥү букет куонкурустарга бэрт элбэх киһи көхтөөхтүк кытынна. Улууспут кэрэ, чуор куоластаах ырыаһыттара ырыа-тойук бэлэхтээтилэр. Тэрээһини Мындаабатааҕы сынньалаҥ киин директора В. В. Колесова иилээн-саҕалаан ыытта. «Тойон Мүрү» култуура дыбарыаһын үлэһитэ В. Р. Варламова куонкурустары, оонньуулары, Майаҕас библиотекара К. Н. Кириллина викторина ыытан сэргэхситтилэр. В. Н. Шадрина улуустааҕы женсовет аатыттан минньигэс саламаатынан кэлбит ыалдьыттары күндүлээтэ. Мүрү дьаһалтата, «Тойон Мүрү» култуура дыбарыаһа оонньуулары бирииһинэн хааччыйдылар. Тэрээһин үрдүк таһымнаахтык ааста.
