Балаҕан ыйын 22 күнүгэр Мындааба оскуолатын кытта күһүҥҥү атыы- тутуу дьаарбаҥкатын ыыттыбыт. Тэрээһин иитээччи баспытаатал Охлопков С.И. эҕэрдэтинэн саҕаланна. Кэлбит ыалдьыттарга анаан Горохов Самвел музыкальнай эҕэрдэтин тиэртэ. Дьаарбаҥкаҕа кылаастар бары тэринэн кэлбиттэр, араас сир аһыттан барыанньалар, бурдук астара, оҕуруот аһа атыыланнылар. Алын,орто, улахан сүһүөхтэринэн араас конкурстар ыытылыннылар: атыылыыр сири киэргэтии, оригинальнай, саамай улахан оҕуруот аһа, ким төһө аһы атыылаабыт уо.д.а. Конкурстар түмүктэринэн дьүүллүүр сүбэ кыайыылаахтарга грамоталары уонна бириистэри туттарда. Бары наҕараадаламмыттары музыка учуутала Диана Павлова эҕэрдэлээтэ.
