Балаҕан ыйын 27 күнүгэр “Мындаба” сынньалаҥ киинигэр уһуйаан уонна уһуйааччы күнүгэр аналлаах бэрт сэргэх тэрээһин ыытылынна. Торжественнай тэрээһин Саха Сирин суверенитетын күнүнэн Саха Сирин өрөгөйүн ырыатынан арылынна. Кэлбит Ветераннары, бары үлэһиттэри Мүрү нэһилиэгин дьаһалтатын баьһылыгын эбээһинэһин толорооччу Румянцев П.Ф. эҕэрдэлээтэ. Кини оскуола иннинээҕи саастаах оҕону иитиигэ өр сылларга үлэлээбит ветераннарга эҕэрдэ сурук уонна сибэкки дьөрбөтүн туттада. Идэлээх күннэринэн, оҕону иитиигэ таһаарыылаахтык үлэлии-хамсыы сылдьар үлэһиттэр Мүрү нэһилиэгин дьаһалтатын үрдүкү наҕараадаларын туттулар, ол курдук Сивцева Н.П. “Кэнчээри” оҕо уһуйаанын сэбиэдиссэйэ, Черкашина А.Н., “Күнчээнэ” оҕо уһуйаанын баспытаатала “Нэһилиэк социальнай-экономическай сайдыытын” иһин знак туттулар. Егорова Т.М. нэһилиэк бочуотунай грамотатын тутта, Бучугасова М.Н., Пирожкова А. Н нэһилиэк махтал суругун үөрүүлээх быһыыга тутан үөрдүлэр. Ыҥырыылаах ыалдьыттар, Уус Алдан улууһун үөрэх управлениятын үлэһиттэрин профсоюһун председателя Попова А.А., Уус Алдан улууһун үөрэх управлениятын оскуола иннинээҕи отделын специалистара Губарева Е.П., Слепцова С.Н. эҕэрдэлэрин эттилэр уонна наҕараадаларын туттардылар. Бырааһынньыктааҕы биэчэри “Күнчээнэ”, “Кэнчээри” оҕо уһуйааннарын профкомнара (Готовцева С.Р., Портнягина Нь.А.) минньигэс тордунан ыалдьыттарын күндүлээтилэр. Биэчэр Вырдылин Айаал, Иван Карпов, Иван Приблых, Лена Протопопова, Василий Петров ырыаларынан доҕуһуолланан сэргэхтик ааста. Элбэх ырыа, оонньуу, үҥкүү ыытыллан, кэлбит дьон дуоһуйа астынан тарҕастылар.
