Россияҕа дьиэ кэргэн, Саха Өрөспүүбүлүкэтигэр оҕо аймах, Ийэ тыл, сурук — бичик күнүгэр аналлаах «Өркөн өй» дьиэ кэргэн икки ардыгар «Мындаба» сынньалаҥ киинин, олохтоох библиотека, Мүрү нэһилиэгин дьаһалтатын көҕүлээһиннэринэн бүгүн күөн күрэс ыытылынна. Күрэххэ уопсайа 9 дьиэ кэргэн Бороҕонтон уонна Мындаабаттан кыттыыны ыллылар.
Күрэс кыттыылаахтара 6 түһүмэҕинэн күөн көрүстүлэр. Кэлбит дьон
И.И.Попов — Уйбаан Бахсылыырап «Иллээх дьиэҕитигэр…» хоһоонун күргүөмүнэн аахтылар.
Күрэх түмүгүнэн
1 миэстэни Матрена, Айхал Леонтьевтар ыллылар
2 миэстэни Варвара, Алгыстаана Сивцевтар буоллулар
3 миэстэни Евдокия, Амелия Аммосовтар ылары ситистилэр.
Ийэ тыл, сурук — бичик күнүгэр аналлаах тэрээһин түөлбэ оһуохайынан түмүктэннэ.
Бары кыттыыны ылбыт дьиэ кэргэттэргэ махтал тылларын тиэрдэбит!
