Быйыл Россия норуота бүттүүн Улуу Кыайыы үбүлүөйдээх 80 сылын бэлиэтиибит. Дойду Президенэ Владимир Владимирович Путин Аҕа дойду Улуу сэриитигэр Кыайыы 80 сылынан, 2025 сылы Аҕа дойдуну көмүскээччи сылынан биллэрбитэ, онтон Сахабыт сирин Ил Дархана Айсен Сергеевич Николаев республикаҕа Ийэ дойдуну көмүскээччи сылын биллэрбитэ. Бүгүн Уус-Алдан улууһун дьонугар-сэргэтигэр бэлиэ күн, төрөөбүт-үөскээбит тапталлаах улууспутугар Аҕа дойдуну көмүскээччи сылын арыйар бэлиэ кунэ ууннэ.
Төрөөбүт дойдубут чиэһин көмүскүүр араас кэмнэргэ локальнай сэриилэргэ, сэбилэниилээх иирсээннэргэ, анал байыаннай дьайыы кыттыылаахтарыгар уонна Аҕа дойду Улуу сэриитигэр аҕаларбыт, эһээлэрбит хорсун-хоодуот быһыыларыгар ытыктабыл, сүгүрүйүү бэлиэтинэн, кинилэр хорсун быһыыларын, Ийэ дойдуга бэриниилээх буолууларын үйэтитии, кэриэстэбил буолар.
Мүрүбүт кытылыгар Бойобуой дьайыы ветераннарыгар аналлаах сквергэ, улуус чаҕылхай ыччата, хорсун хамандыыр, разведчик, гвардия старшай сержана Василий Данилов памятнига хорсун быһыы, модун санаа символа буолан турар.
Бойобуой дьайыыга хорсуннук сэриилэспит, сэрии толоонугар
геройдуу охтубут биир дойдулаахтарбытын ахтан-санаан ааһар, кинилэр
сырдык кэриэстэригэр сүгүрүйэр миитиннэ тыл эттилэр Уус-Алдан улууһун солбуйар баһылыга Сторожев А.Д., Муру нэьилиэгин дьаьалтатын баьылыгын солбуйааччы Сивцева В.П., Улуус бэтэрээннэрин Сэбиэтин бэрэссэдээтэлэ Федоров О.Ф., улуустааҕы Бойобуой дьайыылар Ветераннарын тумсуутун председателэ, икки сэрии кыттылаага, гвардия младшай сержана Карпов А.И..
Митиннэ Ийэ дойду чиэһин көмүскээн Анал байыаннай дьайыы кыргыс хонуутугар геройдуу охтубут биир дойдулаахтарбытыгар сүгүрүйэн туран ейдебунньук пааматыныкка сибэкки дьербетун уурдулар.
