Ыам ыйын 22 күнүгэр Тойон Мүрү туонатыгар нэһилиэк дьоно-сэргэтэ мустан самаан сайыны үөрэ-көтө көрүстүлэр. Түһүлгэҕэ мустубут олохтоохтору күүтүүлээх кэрэ кэммит кэлбитинэн Мүрү нэһилиэгин баһылыга Прокопий Румянцев эҕэрдэлээтэ. Улуус дьахтар Сэбиэтин председателэ Валентина Щадрина алгыс тылы этэн, арчылаата. Саха дьонун сиэринэн, үөрбүччэ-көппүччэ оһуохай дуорайда. Төбүрүөннээн олорон саха мааны аһын кус миинин, быыппах истилэр, саламаат амсайдылар. Ытык кырдьаҕас Мария Фомина алгыс тылын анаата, ырыа ыллаан эҕэрдэлээтэ.
Республикаҕа ырыа күнүн чэрчитинэн сахалыы ырыаҕа күрэх ыытылынна. Күрэх кыайыылаахтарынан Мария Кривогорницына, Алевтина Уразбахтина, Розалия Окоемова буоллулар
