Алтынньы 9 күнүгэр Мүрү нэһилиэгин баһылыгын Кубогар оскуола үөрэнээччилэригэр футболга күрэхтэрэ Н. Н. Тарскай аатынан спорт дыбарыаһыгар ыытылынна. Бу үгэскэ кубулуйбут күрэхтэһии сыллата ыытыллан, элбэх эдэр дьону улахан спортка кынаттаата.
Быйыл Улуу Кыайыы 80 ,Мүрү нэһилиэгэ төрүттэммитэ 65 сылларыгар аналлаах футбол күрэҕэ 17-с төгүлүн нэһилиэкпитигэр ыытыллар.
Күрэх кылаабынай судьуйата Егор Егорович Тролуков. Уопсайа 5 хамаанда кыттыыны ыллылар: Мындааба, Мүрү 1-гы, Мүрү 2-с нүөмэрдээх оскуолалара, Мүрүтээҕи «Уолан» гимназия, «Лөгөй» лицей-интернат.
Күрэхтэһии үөрүүлээх аһыллыытыгар Мүрү нэһилиэгин депутаттарын сэбиэтин председателэ О. Ф. Федоров, күрэхтэһии кылаабынай судьуйата оҕо спортивнай оскуолатын тренерэ Е.Е. Тролуков эҕэрдэлээтилэр.
Күрэх түмүгүнэн бастакы миэстэ Лөгөй лицей-интернат футболистара, иккис миэстэ — Мүрүтээҕи иккис нүөмэрдээх оскуола, үһүс миэстэни Мүрүтээҕи » Уолан» гимназия футболга хамаандалара ыллылар.
