Мындааба олохтооҕо коллекционер Мария Сергеева улуус коллекционердарыттан биир биллэр коллекционер буолар. Кини быйыл тэлгэһэтигэр сайыҥҥы павильон туттан, баай коллекциятын сороҕун онно быыстапка оҥорон туруортаата. Бу үөрүүлээх түгэнинэн улуустааҕы «Умсулҕан» түмсүү кыттыылаахтара эҕэрдэлээбиттэрэ.
Балаҕан ыйын 6 күнүгэр Мария Дмитриевна аны Мындааба коллекционердарын ыҥыран ыалдьыттатта. Галина Чаптыкова салайааччылаах «Мус-тал» түмсүү чилиэннэрэ үөлээннээхтэрин, биир санаалаахтарын Мария Дмитриевна быыстапкатын көрдүлэр-иһиттилэр, эҕэрдэлээтилэр, итии чэйдээх остуол тула олорон ирэ-хоро сэһэргэстилэр. Уонна куруук буоларын курдук, экспонаттарынан атыы-атастаһыы, бэлэхтэһии буолла
