Ыам ыйын 12 күнүгэр Мындааба сынньалаҥ киинигэр Улуу Кыайыы 81 сылыгар аналлаах Мүрү оскуолаларын үөрэнээччилэригэр фронтовик-поэттар хоһоонноругар » От имени жизни, от имени сердца» уус-уран ааҕыы күрэҕэ ыытылынна. Күрэххэ 52 оҕо кытынна.
Күрэх аһыллыытыгар Мындааба оскуолатын 10 кылааһын үөрэнээччитэ Уйгулаана Крылова уостан түспэт » Синий платочек » ырыанан кыттааччылары, учууталлары, төрөппүттэри эҕэрдэлээтэ. Дьүүллүүр сүбэҕэ олохтоох библиотекарь Наталья Портнягина-председатель, Мүрү нэһилиэгин Бочуоттаах олохтооҕо Екатерина Неустроева, Мындааба оскуолатын библиотекарь-педагога Мария Березкина үлэлээтилэр.
Конкурс үс бөлөҕүнэн ыытылынна (1-4 кыл., 5-8 кыл.,9-11 кыл.).
Бастакы бөлөххө 1 миэстэни Баишева Анжела, 2кылаас үөрэнээччитэ, Мүрү иккис нүөмэрдээх оскуолата, (салайааччы У. Е. Стрекаловская); 2 миэстэ- Бурнашев Давид 3 кыл., Мүрү бастакы нүөмэрдээх оскуолата ( салайааччы Е. С. Парникова); 3 м. — Готовцева Амелия 4 кыл., Мындааба спортивнай хайысхалаах орто оскуолата (салайааччы Г. С. Бурнашева) кыайыылаах таҕыстылар. Иккис бөлөххө 1 миэстэни Алексеева Карина 6 кыл., Мүрү иккис нүөмэрдээх орто оскуолата ( салайааччы С. В. Бурцева); 2 м. -Копырин Айаан 8 кыл., Мүрү гимназията ( салайааччы С. Н. Сыроватская); 3 м. — Афанасьева Аделина 5 «б» кыл. Мүрү иккис нүөмэрдээх оскуолата ( салайааччы С. В. Бурцева) ыллылар.
Үһүс бөлөххө 1 м. Саввин Айхал, 9 кыл., Мүрү гимназията (салай. С. Н. Сыроватская); 2 м.- Румянцев Эрчим 11 кыл., Мындааба оскуолата ( салайааччы Р. Е. Неустроева); 3 м. — Сивцева Сахалина 10 кыл., Мындааба оскуолата ( салайааччы Р.Е. Неустроева) буоллулар.
Хоһоону уус-уран ааҕыы күрэҕэр анал аатынан бэлиэтэннилэр:
-«Самый юный исполнитель» — Лиханди Күннэй, 1 кыл., Мүрү иккис нүөмэрдээх орто оскуолата, салайааччы Готовцева Н. И.;
— «За самое проникновенное исполнение» Егорова Сардаана 3 кыл., Мындааба оскуолата, салайааччы А.А. Слепцова;
— »За артистизм исполнения» Ларионов Ларион 4 кыл., Мүрү бастакы нүөмэрдээх оскуолата, салайааччылар Е.Д. Васильева, Е. С. Парникова.
Кыайыылаахтар уонна анал ааты ылбыттар грамоталарынан уонна сертификаттарынан наҕараадаланнылар.
Улуу Кыайыы 81 сылыгар аналлаах фронтовик-поэттар хоһооннорун уус-уран ааҕыы күрэҕэр кыттыбыт үөрэнээччилэргэ, оҕолору бэлэмнээбит салайааччыларга махталбытын тиэрдэбит.
