Кинигэлэр ааптара — киэҥ туттар биир дойдулаахпыт Николай Романович Крылов, РСФСР үөрэҕириитин туйгуна, Саха Республикатын үтүөлээх тренерэ, тустууга уонна хапсаҕайга спорт маастара, норуоттар икки ардыларынааҕы категориялаах судьуйа, Уус Алдан улууһун, Мүрү, Дүпсүн уонна Курбуһах нэһилиэктэрин бочуоттаах олохтооҕо. Кини өр сыллар устата ыра санаа оҥостубут сыалын соругун ситиһэн — үлэһит удьуорун уонна Мындаба спорсменнарын үлэлээбит үлэлэрин, олорон ааспыт олохторун, ситиһиилэрин үйэтитэр сыаллаах кинигэҕэ тистэ.
Кинигэ сүрэхтэниитин хас да чааска арааран өр сылларга үтүө суобастаахтык Мындааба туһа диэн үтүө суобастаахтык билигин да үлэлии сылдьар, Дьокуускай куоракка олорор Мындааба түмсуутүн салайааччыта, кинигэ тахсыытыгар үгүс сыратын уурбут Людмила Афанасьевна Андросова иилээн саҕалаан ыытта.
Мындааба сис ыала Крыловтар оҕолоро бары да эйэҕэс элэккэй, үлэни өрө туппут дьиэ кэргэҥҥэ иитиллэн, ийэлээх аҕаларыттан олоҕу сатаан таба олорорго, үлэни таптыырга элбэх үтүө холобуру ылынан бары да бэртээхэй үлэһит дьон буолтара. Дьэ, ол иһин махтал бэлиэтинэн үйэлээх, кэнчээри ыччакка улахан суолталаах, элбэх историческай хаартыскалардаах, истиҥ иһирэх ахтыылардаах «Алгыстаах олох аартыгынан» диэн кинигэни дьоҥҥо-сэргэҕэ билиһиннэрдилэр.
Иккис кинигэ «Мындааба спортсменнара». Кинигэ Дьокуускай куоракка Дани-Алмас типографияҕа 40 ахсаанынан бэчээттэнэн тахсыбыт. Кинигэ таһа халын, 143 страница тухары 40 киһи ахтыылара киирбит. Спорду өрө түппут, элбэх чемпионнары иитэн таһаарбыт Мындаба историятын кэрэһитэ буолар кинигэ биир дойдулаахпыт, Саха сиригэр спорт уһулуччулаах салайааччыта, көҥүл тустууну тѳрүттээччи, биллэр государственнай деятель Н.Н. Тарскай тѳрѳѳбүтэ 100 сылын кѳрсѳ дьүөрэлэнэн күн сирин көрбүтэ үрдүк суолталааҕын ыҥырыылаах ыалдьыттар бэлиэтээн эттилэр.
Бу бэлиэ күҥҥэ бэйэлэрин эҕэрдэ тылларын эттилэр
Уус Алдан улууһун дьаһалтатын баһылыга Аммосов Василий Иванович,
Мүрү нэһилиэгин дьаһалтатын баһылыгын солбуйааччыта Сивцева Вероника Петровна, улуустааҕы спорт отделын салайааччыта Алексеев Евгений Петрович, ДЮСШ салайааччыта Слепцов Михаил Андреевич,
«Агропромстрой» тэрилтэтин ветерана Крылов Гаврил Романович,
Саха Республикатын уонна спордун туйгуна Афанасьева Зинаида Егоровна.
Бугуҥҥү тэрээһиҥҥэ кэлэн кыттыбыт бары убаастабыллаах салайааччыларбытыгар, дьоммутугар-сэргэбитигэр Мындаба бөһүөлэгин общественноһын, олохтоохторун аатыттан дириҥ махталбытын биллэрэбит.
иьитиннэриини бэлэмнээтэ Портнягина Наталья Ивановна, Мындаабатаагы олохтоох библиотека сэбиэдиссэйэ
