Алтынньы 9 күнүгэр сааһырбыттар декадаларын тэрээһиннэрин иһинэн «Мындаба» сынньалаҥ киинигэр анал байыаннай дьайыыга сылдьар уолаттарга анаан харысхал оҥоруутугар акция ыытылынна. Акцияны улуустааҕы психологическай киин (сал. Никитина С. П.) тэрийэн ыыттылар. Акцияҕа биһиги аҕам саастаах дьоннорбут кэлэн кыттыбыттара сүрдээх үчүгэй. Биэс харахтаах харысхал бэлиэлэри уонна керамиканан харысхаллары оҥордулар. Бу оҥорбут харысхалларбыт СВО-ҕа сылдьар буойун уолаттарбытыгар харысхал күүс — көмө буолуо диэн бигэ эрэнэбит.
Ону тэҥэ аҕам саастаах дьоннорбутун эҕэрдэлээтибит, ол курдук «Мүрү нэһилиэгэ» тыа сирин түөлбэтин дьаһалтатын баһылыгын солбуйааччыта Сивцева В. П.,
«Мындаба» СК, «Күнчээнэ», «Кэнчээри» оҕо уһуйааннарын коллективтара, Мындаабатааҕы орто оскуола 4 кылааһын салайааччыта, 10 кылаас үөрэнээччилэрэ бэтэрээннэрин эҕэрдэлээн үөртүлэр. Бу курдук дьоммутугар болҕомто ууран, акцияҕа кыттан сэргэх интэриэһинэй тэрээһин ааспытыттан кэлбит дьоммут дуоһуйа астыннылар.
