Мындааба сынньалаҥ киинигэр Россияҕа Ийэ күнүн көрсө ийэ кыыһынаан күрэх буолан ааста. Кыттааччылар олуһун диэн бэлэмнэнэн кэлбиттэрин көрдөрдүлэр. Дьүүллүүр сүбэ уонна көрөөччүлэр хас түһүмэх ахсын кыыс ийэтин кытта биир ситим буоланнар, талааннаахтарын, дьоҕурдаахтарын, эйэлээхтэрин көрөн, сыаналаан астыннылар. Түмүккэ Мындааба сынньалаҥ киин, Мүрү нэһилиэгин дьаһалтата, Улуустааҕы психологическай киин уонна ЯРО «Россия ийэлэрэ» олохтообут бириистэрин кытта анал ааттар туттарылыннылар:
«Кэрэни кэтэhэр кэскиллээх дьиэ кэргэн» — Варвара, Алгыстаана Сивцевалар, «Ураты көстүүлээх дьиэ кэргэн» — Алена, Анжелина Мылахановалар, «Талба талааннаах дьиэ кэргэн» — Елизавета, Лиза Черкашиналар, «Айар – тутар дьоҕурдаах дьиэ кэргэн» — Евдокия, Амелия Аммосовалар.
Бары кэлэн кыттыбыт күн күбэй ийэлэргэ, кэрэ бэйэлээх кыыс оҕолорго махтанабыт уонна инникитин да ситиһиини баҕарабыт!
