Бүгүн, олунньу 22 күнүгэр улууска биллэриллибит Аҕа сылынан уонна Аҕа дойдуну көмүскээччилэрин күннэрин көрсө биирдиилээн бастыыр иһин буулдьанан ытыы күрэҕэр турнир ыытылынна. Тэрээһини ис дьыала министерствотын Ветераннара, «Мындаба» сынньалаҥ киинэ, «Кыһыл знамялаах» Дальневосточнай военнай уокурукка сулууспалаабыт саллааттар түмсүүлэрэ, ДЮСШ тэрийэн ыыттылар. Уопсайа 16 кыттааччы күөн күрэстэстэ. Күрэххэ кэлбиттэри эҕэрдэлээтилэр: Улуус баһылыгын социальнай боппуруоска солбуйааччыта Сторожев А.Д., Улуус дьаһалтатын спорткомитетын салайааччыта Алексеев Е.П., Ис дьыала отделын начальнигын солбуйааччыта, полиция подполковнига Гоголев П.П., Ис дьыала министерствотын Ветерана, милиция подполковнига Дьячковский В.Н., Госавтоинспекция Ветерана, күрэхтэһии кылаабынай спонсора Нестерев А.Г., СӨ бочуоттаах ветерана Сивцев С.П., Ис дьыала отделын бэтэрээннэрин Сэбиэтин председателя Никифоров С.В.
Анал байыаннай дьайыыга кытта сы)лдьар дьоҥҥо көмөлөһөн, улуус үрдүнэн ыытыллар #БарытаКыайыытуһугар акцияҕа кыттан ис дьыала министерствотын ветераннара, бүгүҥҥү күрэх кыттыылаахтара харчынан көмө оҥордулар. Взнос харчыта уонна ветераннар көмөлөрүнэн хомуллубут уопсайа 17500 солк. үп — харчы Уус — Алдан улууһун анал байыаннай дьайыы кыттыылаахтарыгар кинилэр дьиэ кэргэттэригэр аналлаах «Эрэл» аһымал фондаҕа көмө быһыытынан туттарылынна.
Күрэх түмүгүнэн Ветераннарга пистолетынан ытыыга
1 миэстэни ылла Мигалкин М.М., 2 миэстэни Винокуров А.П., 3 миэстэни Устинов А.А., винтовканан ытыыга 1 миэстэ Стрекаловскай М.М., 2 миэстэ Бурцев Н.Г., 3 миэстэни Сивцев С.П. ыллылар. Эдэрдэргэ пистолетынан ытыыга 1 миэстэни Кириллов А.Н., 2 миэстэни Сосин И.А., 3 миэстэни Бурцев Л.С., винтовканан ытыыга 1 миэстэ Бурцев Л.С., 2 миэстэ Кириллов А.М., 3 миэстэни Дьячковскай В.Н. ыллылар. Пистолетынан уонна винтовканан ытыыга Абсолютнай чемпион аатын ыллылар: 60 саастарыгар дылы Бурцев Л.С.,
60 саастарыттан үөһээ Бурцев Н.Г.
Бары кыайыылаахтарга анал грамоталар уонна сыаналаах бириистэр туттарылыннылар.
