Кулун тутар 2 күнүгэр Найахы нэһилиэгэр Дьиэ-кэргэн сылынан, «Күбэйэ» үҥкүү ансаамбыла 15, «Чэлгийээнэ» 5 сылларынан, СӨ култууратын туйгуна, үҥкүү коллективтарын салайааччыта, хореограф Гаврильева Алена Васильевна култуура эйгэтигэр айымньылаах үлэтэ 30 сылынан төрдүс төгүлүн ыытыллар «Талба хотун» аһаҕас үҥкүү күрэҕэ ыытылынна. Күрэҕи СӨ култууратын үтүөлээх үлэһитэ, Уус-Алдан улууһун бочуоттаах олохтооҕо,
А. Посельская аатынан премия хаһаайката Сивцева М.З.,
В.В.Никифоров-Күлүмнүүр аатынан «Тойон Мүрү» култуура дыбарыаһын балетмейстера Петрова О.С., СӨ култууратын туйгуна, хореограф Гаврильева А.В. сыаналаатылар.
Күрэх түмүгүнэн биһиги «Мындаба» сынньалаҥ киин иһинэн үлэлиир «Күндүйэ» үҥкүү коллектива салайааччы Фомина Марияна Семеновна — 1 степеннээх дипломант уонна «Бастыҥ норуот үҥкүүтэ» анал ааты ылан 4000 сууммалаах сертификатынан наҕараадаланна. Күрэх түмүгэр бары коллективтарга «Мир на ладони» култуура , үөрэх өйөөһүнүн уонна сайдыытын фондатын аатыттан Москва уонна Сочи куораттарга ыытыллар
«Кубок столицы» международнай фестивальга салҕыы кыттыыны ылалларыгар путевка туттарылынна. Улахан махталбытын тиэрдэбит бензин өттүнэн көмөлөспүт Мүрү нэһилиэгин дьаһалтатыгар глава Румянцев Прокопий Федотовичка.
Кыргыттарбытын өссө төгүл эҕэрдэлиибит уонна инникитин өссө да элбэх ситиһиини баҕарабыт!
