Сомоҕолоһуу кэнсиэрэ буолла
Алтынньы 18 күнүгэр Мындааба сынньалаҥ киинигэр Арассыыйаҕа Сомоҕолоһуу, Саха сиригэр Култуура, Уус-Алдаҥҥа түмсүү уонна бииргэ үлэлэһии сылларыгар анаммыт «Кулууп уота ыҥырар» диэн Чараҥ, Майаҕас, Мындааба кулууптара кыттыылаах быйылгы сезону аһар улахан кэнсиэр буолла. Көрөөччүлэр республикаҕа биллэр «Алтан кыл» айар студия народнай коллектив саҥа ырыаларын, Константин Иванов көмүс куолаһын, Юрий Сторожев, Иван Карпов, Айаал Вырдылин, Василий Петров, Иван Прибылых, Мария Андросова, Людмила Заровняева истиҥ толорууларын дуоһуйа иһиттилэр. Кэнсиэри Раиса, Владимир Слепцовтар дуэтнай үҥкүүлэрэ, Мындааба, Майаҕас кулууптарын үҥкүү бөлөхтөрө ситэрэн-хоторон киэргэтэн биэрдилэр. Майаҕастар, Мындаабалар көрдөөх сценкалара дьон болҕомтотун тартылар.
Уйгулаах-быйаҥнаах Мүрү эбэ киэҥ туонатыгар үйэлэри уҥуордаан олорор үс нэһилиэк инникитин да бу курдук сомоҕолоһон, бииргэ буолан, түмсэн, инники кэскили түстүүргэ, сайдыы суолун тутуһарга диэн дириҥ ис хоһоонноох ыҥырыынан Сомоҕолуу кэнсиэрэ түмүктэннэ. Холбоһуктаах кэнсиэр аны алтынньы 24 күнүгэр Майаҕастааҕы норуот айымньытын киинигэр буолара былааннанар
